નેહા દીદીના લગ્ન ને ત્રણ વરસ થવા આવ્યા હતા. દરેક દિવાળીએ એની યાદ અચૂક આવી જતી. એકદમ સાદગીપૂર્ણ દિવાળી ઉજવવાનું શીખવી ગયેલી, ફટાકડા તો ક્યારેય ફોડતી જ નહીં.
પણ હમણાથી ઘરમાં ચર્ચાઓ થતી કે નેહા દીદી જીજાજીની સંગે રહી બદલાઈ રહી છે. સાસરિયામાં રહીને નાના સુરસુરિયા આ તરફ મોકલે છે.
પપ્પાના રિટાયર્ડ થયાને આજ બે મહિના થવા આવ્યા હતા. લગભગ ચાલીસેક લાખ મળ્યા હતા. આખી જિંદગીનું ભાથું હતું પપ્પા માટે. થોડો હાશકારો ખાધો ન ખાધો ત્યાં કુરિયર મળ્યું. ખોલ્યું તો દીદી તરફથી અડધો હિસ્સો માંગતી નોટિસ હતી! નેહા દીદીએ પહેલી વાર એક બોમ્બ જેવડો ધડાકો ઘર પર કર્યો.
One thought on “ધમાકો – ગીતા પંડ્યા”
Superb