“લેડીસ ચપ્પલ બતાવો” પ્રયોશાએ સેલ્સમેનને કહ્યું.
માપનો તાગ મેળવવા પ્રયોશાના પગ તરફ એણે નજર કરી. પછી સામટી ત્રણ-ચાર જોડ બતાવી કહ્યું “એકદમ લેટેસ્ટ છે. ઓલ સીઝન ચાલે એવી રફ એન્ડ ટફ. તમે પહેરીને થાકી જશો પણ ચપ્પલને કંઈ જ નહીં થાય. તમને એકદમ કમ્ફર્ટેબલ રહેશે. હમણાંને હમણાં જ દસ જોડી વેચી છે. બે વર્ષની ફુલ્લ ગેરંટી છે.”
“બે વર્ષ!?”
અચરજ નજરે પ્રયોશા પ્રયાસ સામે જોઇને મંદ હસતા બોલી “પ્રયાસ, મને તો ડૉક્ટર કરતા આ સેલ્સમેન ભલો માણસ લાગ્યો. એણે તો મને માત્ર છ જ મહિના કહ્યા !”
One thought on “ગેરેંટી – નરેન કે સોનાર”
સરસ વાર્તા